چه‌ند بڕیارێكی نوێ له‌ وه‌زاره‌تی په‌روه‌رده‌ و خوێندنی باڵا بۆ قوتابیانی پۆلی 12

پەروەردەی  گشتی هەولێر تاقی کردنەوەی وەرزی دووەمی پۆلی12 ی بۆ جاری دووەم گۆڕی دوای تێپه‌ڕبوونی 20 رۆژ  له‌سه‌ر یه‌كه‌م بریاری دواخستنی تاقیكردنه‌وه‌كان، بەبڕیاری فەرمی تاقی کردنەوەکانی کردە بەرواری 22/4/2017 ده‌ست پێ ئه‌كا و له‌  30/4/2017 کۆتایی دێتكه‌ له‌ بنه‌ڕه‌تدا  لە ساڵنامەی وەزارەتی پەروەردە 12/4/2017 تاقی کردنەوەی وەرزی دووەم بوو.

وه‌ وه‌زاره‌تی خوێندنی باڵا ڕایگه‌یاند كه‌  دەرچوانى دوانزەى ئامادەیى لە زانکۆکان بۆ ساڵى خوێندنى (٢٠١٧-٢٠١٨) به‌ دوو قۆناغ وەربگرێن، بەشێوەیەک لە قۆناخى یەکەمدا بۆ دەرچوانى خولى یەکەم (٥٥%) خوێندکاران وەربگیرێت و، لە قۆناغى دوەم و بۆ دەرچوانى خولى دوەم ڕێژەى (٤٥%) وەربگیرێت.

وه‌ وا بڕیاره‌ لەمساڵەوە ئەژمارکردنی نمرەی وانەکانی (زمانی کوردى و عەرەبى) بۆ دەرچوانى پۆلى دوانزە لە کاتی پێشکەشکردن بۆ کۆلێژە پزشکى و ئەندازیارى و زانستیەکان ئارەزومەندانە دەبێت.

واتا دەرچوانی پۆلی دوانزەی ئامادەیی کاتێک داواکاری پێشکەش دەکەن بۆ کۆلێژە پزشکى و ئەندازیارى و زانستیەکان سەرپشک دەکرێن لەوەی کە ئایا دەیانەوێت نمرەی تاقیکردنەوەکانی زمانی کوردی و عەرەبیان بۆ ئەژمار بکرێت، بەڵام لە هەموو حاڵەتێکدا دەبێت بەشداری تاقیکردنەوەی هەردوو وانەی زمانی کوردی و عەرەبیان کردبێت و لە تاقیکردنەوەکە دەرچووبن، جێگەی ئاماژە پێکردنە کە ئەم بڕیارە لەمساڵەوە جێبەجێ دەکرێت.